ქვემო ქართლში სახელმწიფო რწმუნებულის ადმინისტრაციაში, პრემიერ-მინისტრის ინიციატივით დაწყებული, ახალი სახელმწიფო პროგრამის „განახლებული რეგიონების“ ფარგლებში, შექმნილი სპეციალური კომისიის სხდომა გაიმართა, რომელსაც რეგიონული განვითარებისა და ინფრასტრუქტურის მინისტრი ირაკლი ქარსელაძე, ქვემო ქართლში სახელმწიფო რწმუნებული შოთა რეხვიაშვილი, ინფრასტრუქტურის მინისტრის მოადგილეები, მთავრობის ადმინისტრაციისა და რეგიონის მუნიციპალიტეტების ხელმძღვანელი პირები ესწრებოდნენ.

მერებმა, კომისის წევრებს მუნიციპალიტეტების ტერიტორიაზე ურბანული განახლების მიზნით დაგეგმილი პროექტების პრეზენტაცია წარუდგინეს - ცენტრალური და ადგილობრივი ხელისუფლების წარმომადგენლებმა, სამუშაოების განხორციელების მიზნობრიობა და ადგილზე ეკონომიკური განვითარების სამომავლო პერსპექტივები განიხილეს.

მიღებული გადაწყვეტილებების ფარგლებში, პროექტების განხორციელების ძირითად არეალად, რეგიონის მასშტაბით ცენტრალური ქუჩები და მიმდებარე ტერიტორიაზე არსებული ინფრასტრუქტურა შეირჩა:

• ქ. რუსთავი - მეგობრობის გამზირი და მერიის წინ მდებარე მოედნი.

• ქ. ბოლნისის ცენტრალური - სულხან-საბა ორბელიანის ქუჩა.

• ქ. გარდაბანი - დავით აღმაშენებლის ქუჩა.

• ქ. დმანისი - თავისუფლების ხეივანისა და წმინდა ნინო ქუჩის N41-54 მიმდებარე სივრცე.

• ქ. თეთრიწყარო - თამარ მეფის ქუჩა.

• ქ. მარნეული - სარეკრეაციო სივრცე რუსთაველის ქუჩაზე.

• ქ. წალკა - ცენტრალური პარკი და არისტოტელეს ქუჩა.

„განახლებული რეგიონების“ სახელმწიფო პროგრამა 4-წლიანია და საქართველოს 63 მუნიციპალიტეტს მოიცავს. პროგრამის მხოლოდ პირველი ეტაპის საორიენტაციო ღირებულება 500 მილიონი ლარია და ითვალისწინებს რეგიონების ურბანულ განახლებას, რაც სხვადასხვა მნიშვნელოვანი ობიექტის/მდებარეობების განვითარებას გულისხმობს.
პროექტები განხორციელდება როგორც სახელმწიფო ბიუჯეტის დაფინანსებით, ისე საერთაშორისო საფინანსო ინსტიტუტების მხარდაჭერით.