გარდაბნის მუნიციპალიტეტში, ინფრასტრუქტურული პროექტები ჯანდაცვის სამინისტროს რეკომენდაციების გათვალისწინებით, სრული დატვირთვით მიმდინარეობს. 

მშენებლობის პროცესს და შესრულებული სამუშაოების ხარისხს ადგილზე პირადად გაეცნო ქვემო ქართლში სახელმწიფო რწმუნებული შოთა რეხვიაშვილი მოადგილესთან და მუნიციპალიტეტის მერთან ერთად. 

ცენტრალური და ადგილობრივი ხელისუფლების გადაწყვეტილებით საგზაო ინფრასტრუქტურა ისეთ სოფლებში ეწყობა, სადაც ამ დრომდე შიდა გზები საერთოდ არ არსებობდა. სოფელ კალინინოში, ნაზარლოში, კრწანისში, ყარაჯალარში და აღთაკლიაში გზების მშენებლობა რეგიონალური განვითარების ფონდიდან ფინანსდება, ხოლო სოფელ ქესალოში გზების სამშენებლო სამუშაოები რეგიონალური განვითარების ფონდისა და ადგილობრივი თვითმმართველობის ერთობლივი თანადაფინანსებით ხორციელდება. აღნიშნული სამუშაოებისთვის 3 მილიონ, 611 ათასი ლარია გამოყოფილი.