ქვემო ქართლის რეგიონის მუნიციპალიტეტებში, ინფრასტრუქტურული პროექტები, ჯანდაცვის სამინისტროს რეკომენდაციების სრული დაცვით, აქტიურად მიმდინარეობს.

დასრულების ფაზაშია რუსთავის ერთ-ერთი ძველი და ისტორიული უბნის კოსტავას გამზირის რეაბილიტაციაც - სამუშაოები ადგილზე პირადად მოინახულა ქვემო ქართლში სახელმწიფო რწმუნებულმა, შოთა რეხვიაშვილმა მოაგილესთან და ქალაქის ხელმძღვანელ პირებთან ერთად.

პროექტის ფარგლებში უკვე განხორციელდა ფასადების რეკონსტრუქცია და გზის საფარის რეაბილიტაცია, შეიცვალა წყალსადენი და სანიაღვრე სისტემა, დაიგო ასფალტის საფარი. მიმდინარეობს ველო-ბილიკებისა და შუაგამყოფ ზოლზე რეკრეაციული სივრცის მოწყობა.