გარდაბნის მუნიციპალიტეტის სოფელ აღთაკლია-ყარათაკლიაში სრულდება 300-მდე ბავშვზე გათვლილი სააღმზრდელო დაწესებულების მშენებლობის პროცესი, სადაც ადგილობრივებს, შესაბამისი სერვისით სარგებლობის შესაძლებლობა არასოდეს ქონიათ. პროექტის მიმდინარეობას ქვემო ქართლში სახელმწიფო რწმუნებული შოთა რეხვიაშვილი, ადგილობრივი ხელისუფლების წარმომადგენლებთან ერთად გაეცნო და სამუშაოების შემსრულებელი კომპანიის წარმომადგენლებს გაესაუბრა.

აღსანიშნავია, რომ მუნიციპალიტეტში, ბოლო 2 წლის განმავლობაში, აქტიურად მიმდინარეობს ახალი საბავშვო ბაღების მშენებლობა და არსებულის რეაბილიტაცია. მიმდინარე და დაგეგმილი ინფრასტრუქტურული პროექტების შედეგად, 2020 წლის ბოლოს, გარდაბანში, არ იქნება არცერთი სოფელი, სადაც თანამედროვე სტანდარტების შესაბამისი საბავშვო ბაღი არ იფუნქციონირებს.