რუსთავში ფალიაშვილის ქუჩის მიმდებარედ არსებული სკვერის კეთილმოწყობა აქტიურად მიმდინარეობს. სამუშაოები ქვემო ქართლში სახელმწიფო რწმუნებულმა შოთა რეხვიაშვილმა და რუსთავის მერმა ირაკლი ტაბაღუამ დაათვალიერეს.

პროექტის ფარგლებში, სკვერში ამფითეატრი, დაწნეხილი ფილებით მოპირკეთებული ბილიკები, სარწყავი სისტემა, მინისპორტული მოედანი და საბავშვო კუთხე ეწყობა. მონტაჟდება გარე განათება, დეკორატიული ურნები და სკამები. პროექტი რეგიონული განვითარების ფონდის დაფინანსებითა და ადგილობრივი ბიუჯეტის თანადაფინანსებით ხორციელდება.

ფალიაშვილის ქუჩის მიმდებარედ, სკვერის კეთილმოწყობა, რუსთავის მერიისა და ადგილობრივი მოსახლეობის ერთობლივი ინიციატივით დაიწყო. თვითმმართველობის წარმომადგენლებმა, სკვერის რეაბილიტაციის გეგმა ახლომდებარე კორპუსების მცხოვრებლების ინტერსების გათვალისწინებით შეიმუშავეს.

მიმდინარე წელს, რუსთავში კიდევ ერთი სკვერის რეაბილიტაციის პროექტი განხორციელდა.
პროფესიულ-დრამატული თეატრის წინ მდებარე განახლებული რეკრეაციული სივრცე რამდენიმე კვირის წინ გაიხსნა.