13 მაისს, ქვემო ქართლში სახელმწიფო რწმუნებულმა, შოთა რეხვიაშვილმა, მოადგილე ზვიად ჭუნაშვილთან და გარდაბნის მერთან, რამაზ ბუდაღაშვილთან ერთად, მუნიციპალიტეტში მიმდინარე ინფრასტრუქტურული სამუშაობი მოინახულა, კონტრაქტორი კომპანიების წარმომადგენლებს შეხვდა, პროექტების შესახებ, დეტალური ინფორმაცია პირადად მათგან მოისმინა და კონკრეტული რეკომენდაციები გააცნო. 

შოთა რეხვიაშვილი, მონიტორინგის ფარგლებში, სოფელ სართიჭალაში სასაწრაფო სამედიცინო ცენტრის მშენებლობისა და შიდა გზების მიმდინარე და დასრულებულ სამუშაოებს გაეცნო. 

მხარეში სახელმწიფო რწმუნებულმა, მუნიციპალიტეტის ხელმძღვანელ პირებთან ერთად, დაათვალიერა სოფელ მარტყოფში შიდა გზების რეაბილიტაციის, სამუსიკო სკოლის მშენებლობისა და მარტყოფი-ღვთაების მონასტრის დამაკავშირებელი გზის მშენებლობის პროცესიც. 

ასევე, მიმდინარე ინფრასტრუქტურული სამუშაოები მოინახულა სოფელ საცხენისსა და ახალსოფელში, სადაც საგზაო ინფრასტრუქტურა 4 ათეულ წელზე მეტია არ მოწესრიგებულა, ამ ეტაპზე კი, ადგილზე, გზის საფარის მოწყობის სამუშაობი, რეგიონალური განვითარების ფონდიდან და ადგილობრივი ბიუჯეტიდან 1 200 000 ლარით ფინანსდება. 

შოთა რეხვიაშვილმა, პროექტის მიმდინარეობის პროცესი შეაფასა ლელაშხას დასახლებაშიც, სადაც აქტიურად ხორციელდება საგზაო ინფრასტრუქტურის მოწყობისთვის შესაბამისი სამუშაოები და პირადად მოინახულა ქალაქ გარდაბანში, ბარათაშვილის ქუჩის მიმდებარედ, ახალი სპორტული მინი სტადიონიც. 

აღსანიშნავია, რომ ქვემო ქართლში სახელმწიფო რწმუნებული, შოთა რეხვიაშვილი პროექტების მიმდინარეობის პროცესს ეტაპობრივად, რეგიონის ყველა მუნიციპალიტეტში, პირადად გაეცნობა.