4 მარტს, ქვემო ქართლში სახელმწიფო რწმუნებულმა, შოთა რეხვიაშვილმა, გარდაბნის მუნიციპალიტეტის მერმა, რამაზ ბუდაღაშვილმა და საკრებულოს თავმჯდომარემ, ტარიელ ჯანხოთელმა, სოფელ გამარჯვება პირველში 30, ხოლო ნაგებში 25 აღსაზრდელზე გათვლილი ახალი საბავშვო ბაღები გახსნეს. 

მხარისა და მუნიციპალიტეტის ხელმძღვანელმა პირებმა, მოსახლეობას პირადად მიულოცეს სააღმზრდელო დაწესებულებების გახსნა, რომელიც ათეული წლების განმავლობაში ადგილობრივებისთვის ერთ-ერთ ძირითად საჭიროებას წარმოადგენდა. 

მუნიციპალიტეტის ბიუჯეტის დაფინანსებით, 190751 ლარის ღირებულების პროექტი შესრულდა სოფელ ნაგებში, ხოლო გამარჯვება პირველის საბავშვო ბაღის მოწყობისთვის 72 674 ლარი გამოიყო და დამატებით 15 ადამიანი დასაქმდა.