დღეს, ქვემო ქართლის გუბერნატორის მოადგილემ, ზვიად ჭუნაშვილმა და ბოლნისის მუნიციპალიტეტის მერმა, დავით შერაზადიშვილმა N2 საბავშვო ბაღი ოფიციალურად გახსნეს.

საბავშვო ბაღში რეაბილიტაციის შედეგად 160 აღსაზრდელი მიიღებს, თანამედროვე სტანდარტების შესაბამის გარემოში, სკოლამდელ განათლებას.

პროექტის ფარგლებში შენობას სრულად ჩაუტარდა ყველა საჭირო გარე და შიდა სარემონტო სამუშაოები, შეიცვალა კომუნიკაციები, წყალ-კანალიზაციისა და ელექტრო გაყვანილობა. გადაიხურა თანამედროვე ტიპის სახურავით, ასევე კეთილმოეწყო ეზო და დამონტაჟდა გასართობი ატრაქციონები.

სარეაბილიტაციო სამუშაოები რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით განხორციელდა.