3 მაისს, ქვემო ქართლში სახელმწიფო რწმუნებულმა-გუბერნატორმა, მოადგილესთან ერთად, თეთრიწყაროს მუნიციპალიტეტში მიმდინარე რამდენიმე ინფრასტრუქტურული პროექტი დაათვალიერა.

რეგიონისა და მუნიციპალიტეტის ხელმძღვანელი პირები ადგილზე პირადად გაეცნენ ქალაქის ქუჩებისა და სოფელ ახალშენამდე მისასვლელი საგზაო ინფრასტრუქტურის მოწესრიგების პროცესს.

,,მოგეხსენებათ, რომ რეგიონში ინფრასტრუქტურის მოწესრიგება ჩვენი საქმიანობის ერთ-ერთი პრიორიტეტული მიმართულებაა. ამჯერად ვიმყოფებით თეთრიწყაროს მუნიციპალიტეტში, სადაც დაწყებულია სამუშაოები, რომლის ფარგლებშიც ხდება ქალაქის რამდენიმე ქუჩის და სოფელ ახალშენამდე მისასვლელი საგზაო ინფრასტრუქტურის მოწყობა. უახლოეს პერიოდში ქვემო ქართლის ყველა მუნიციპალიტეტში აქტიურ ფაზაში შევა ამ მიმართულებით დაგეგმილი პროექტები. ჩვენ, ეტაპობრივად, ადგილზე, პირადად, გავეცნობით სამუშაოების მიმდინარეობას“-განაცხადა გუბერნატორმა.