ქვემო ქართლში სახელმწიფო რწმუნებულმა-გუბერნატორმა გრიგოლ ნემსაძემ, რუსთავის მერმა, ირაკლი ტაბაღუამ და ქალაქის საკრებულოს თავმჯდომარემ, ლევან ონიანმა რუსთავში მშენებარე კომპლექსის საძირკველში სიმბოლური კაფსულა ჩადეს.

გოგებაშვილის ქუჩაზე ახალი საცხოვრებელი კომპლექსის მშენებლობას კომპანია Georgian Building Group-ი ახორციელებს.

თანამედროვე სტანდარტებისა და დიზაინის ოთხსართულიანი კორპუსის ტერიტორიაზე მოეწყობა რეკრეაციული ზონა, საბავშვო გასართობი მოედანი და სკვერი. 

კომპლექსის მშენებლობაში 4 მილიონი ლარის ინვესტიცია განხორციელდება. მშენებლობაზე ადგილობრივი მუშახელი დასაქმდება.
კომპანია ‘’Georgian Building Group’’ რუსთავში რეგისტრირებულ ერთ სოციალურ ოჯახს ფინანსურ დახმარებას გაუწევს და ყოველთვიურად ხელფასს გადაუხდის.

აღსანიშნავია, რომ ადგილზე პროფესიულ პრაქტიკას გაივლიან კოლეჯ „მოდუსის“ სტუდენტებიც.