ქვემო ქართლში სახელმწიფო რწმუნებულმა-გუბერნატორმა გრიგოლ ნემსაძემ ბოლნისის მუნიციპალიტეტის გამგებელთან, დავით შერაზადიშვილთან ერთად დაბა კაზრეთში საავტომობილო გზის ახლად რეაბილიტირებული მონაკვეთი გახსნა.

რეგიონისა და მუნიციპალიტეტის ხელმძღვანელი პირები დაბის მცხოვრებლებსაც გაესაუბრნენ-ადგილობრივებმა პროექტის მნიშვნელობაზე გაამახვილეს ყურადღება.

პროექტი რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით განხორციელდა, საერთო ღირებულებით 700 000 ლარი. შესრულებული სამუშაოების შედეგად 1,100 მეტრის მონაკვეთზე მოეწყო 22 სმ-ის სისქის ბეტონის საფარის გზა, ტროტუარებითა და სანიაღვრეებით.