3 აგვისტოს, ქვემო ქართლში სახელმწიფო რწმუნებული-გუბერნატორი გრიგოლ ნემსაძე, მოადგილეებთან, ალექსანდრე მეტრეველთან და ზაურ დარგალთან ერთად მარნეულის მუნიციპალიტეტის სოფლებში მიმდინარე ინფრასტრუქტურულ პროექტებს გაეცნო.

გუბერნატორმა ქვემო სარალში, სასმელი წყლის ჭაბურღილსა და რეზერვუარებზე მიმდინარე სამუშაოები დაათვალიერა. გრიგოლ ნემსაძე სოფელში საგზაო ინფრასტრუქტურის მოწესრიგების პროცესსაც გაეცნო და ადგილობრივ მცხოვრებლებს გაესაუბრა.

რეგიონისა და მუნიციპალიტეტის ხელმძღვანელი პირები სოფელ საიმერლოშიც იმყოფებოდნენ, სადაც შიდა გზის მოწყობის სამუშაოები აქტიურ რეჟიმში მიმდინარეობს.