სახელმწიფო რწმუნებულის ადმინისტრაცია

საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში

გერბი

Administration Of State Representative

In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality

სამუშაო ვიზიტი პოლონეთის რესპუბლიკაში

09 ივლისი 2017


5–9 ივლისს, ქვემო ქართლში სახელმწიფო რმწუნებულის-გუბერნატორის მოადგილე კახა კობერიძე, სამხარეო ადმინისტრაციისა და მუნიციპალიტეტების სხვა ხელმძღვანელ პირებთან ერთად სამუშაო ვიზიტით იმყოფებოდა პოლონეთის რესპუბლიკაში.

ვიზიტს წინ უძღვოდა მარნეულისა და კობილნიცას თვითმმართველობებს შორის ურთიერთთანამშრომლობის 5 წლიანი მემორანდუმის გაფორმება, რომელსაც, მიმდინარე წლის 20 მარტს, ხელი მარნეულის მუნიციპალიტეტის გამგებელმა მერაბ თოფჩიშვილმა და კობილნიცას გმინის ხელმძღვანელმა ლეშეკ კულინსკიმ მოაწერეს. 

ბალტიის ზღვისპირა ტურისტულ რეგიონში ვიზიტის ფარგლებში, დელეგაციის წევრებმა კობილნიცაში, უსტკაში და სხვა ქალაქებში მოინახულეს სასოფლო-სამეურნეო და სამრეწველო საწარმოები, გაეცნენ ადგილობრივი თვითმმართველობის ორგანოების მუშაობის სპეციფიკას.

სამუშაო ვიზიტისას გაიმართა შეხვედრები ბიზნესმენებთან და დაიგეგმა მიმდინარე წლის შემოდგომაზე, საქართველოში პოლონელ ბიზნესმენთა ჯგუფის ჩამოსვლა, რომლებიც დეტალურად გაეცნობიან ქვეყანაში შექმნილ საინვესტიციო გარემოს, შეხვდებიან ადგილობრივი თვითმმართველობებისა და ბიზნეს-სექტორის წარმომადგენლებს, იმსჯელებენ ტურიზმისა და ეკონომიკური კავშირების შემდგომ განვითარებაზე.


  • სამუშაო ვიზიტი პოლონეთის რესპუბლიკაში
  • სამუშაო ვიზიტი პოლონეთის რესპუბლიკაში
  • სამუშაო ვიზიტი პოლონეთის რესპუბლიკაში