გაერთიანებული ერების მოსახლეობის ფონდის (UNFPA) წარმომადგენლებთან, ქვემო ქართლის სახელმწიფო რწმუნებულის ადმინისტრაციაში, შეხვედრა გაიმართა.

ქვემო ქართლში სახელმწიფო რწმუნებული, გიორგი დოხტურიშვილი შეხვდა გაერთიანებული ერების მოსახლეობის ფონდის (UNFPA) წარმომადგენლებს, რომელიც გაეროს ქალთა ორგანიზაციასთან (UN Women) ერთად, ევროკავშირის ფინანსური მხარდაჭერით ახორციელებს პროგრამას „ქალებისა და გოგონების მიმართ ძალადობის წინააღმდეგ საქართველოში (2021-2023)”, რომლის ერთ-ერთი სამიზნე რეგიონი ქვემო ქართლია.

პროგრამის ფარგლებში UNFPA აქტიურად თანამშრომლობს ადგილობრივი ხელისუფლების წარმომადგენლებთან და პარტნიორ ადგილობრივ ორგანიზაციებთან, რათა ხელი შეუწყოს საზიანო პრაქტიკების აღმოფხვრას და გენდერული სტერეოტიპებისა და დისკრიმინაციული ნორმების დაძლევას, ახალგაზრდებისა და კაცების მონაწილეობას გენდერული თანასწორობის გაძლიერების პროცესში.

შეხვედრის ფარგლებში სახელმწიფო რწმუნებული, მოადგილესთან, ნიკა კობახიძესთან ერთად, გაეცნო პროგრამის ამოცანებსა და პროექტის ფარგლებში სამომავლოდ დაგეგმილ საქმიანობებს, რომლებიც განხორციელდება ქვემო ქართლის რეგიონში.

შეხვედრას ასევე ესწრებოდნენ გაეროს მოსახლეობის ფონდის (UNFPA) საქართველოს ოფისის ხელმძღვანელი, ლელა ბაქრაძე და პროგრამის კოორდინატორი, მარიკა ქურდაძე.

#ქვემოქართლისმხარე