პანდემიისგან გამოწვეული ორწლიანი პაუზის შემდეგ, ქვემო ქართლში, თეთრიწყაროს მუნიციპალიტეტში ,,გარისობა 2022“ აღინიშნა.

გიორგი დოხტურიშვილი ლიეტუვის დელეგაციის წევრებთან, ნიდერლანდების სამეფოს საგანგებო და სრულუფლებიან ელჩთან საქართველოში, სასულიერო პირებთან, თეთრიწყაროს მერ გიორგი წიკლაურთან და რეგიონის მუნიციპალიტეტების მერებთან ერთად სახალხო ღონისძიებას დაესწრო.

ღონისძიების ფარგლებში გასართობი, კულტურული და სპორტული აქტივობები გაიმართა. მაყურებლის წინაშე წარსდგა ადგილობრივი ფოლკლორული ანსამბლი, მოეწყო ხელოვანთა ნამუშევრების, ნახატების გამოფენა და 25 კუთხე, მისთვის დამახასიათებელი კულინარიითა და დეკორაციებით.

სახალხო დღესასწაულის ფარგლებში სახელმწიფო რწმუნებულმა გიორგი დოხტურიშვილმა და თეთრიწყაროს მერმა, გიორგი წიკლაურმა ,,საპატიო მოქალაქის“ წოდება მიანიჭეს: ლეილა მეხრაძეს, ალექსანდრე ჩივაძესა და გოჩა აფციაურს.

ადგილობრივ მოსახლეობას დღესასწაული პირადად მიულოცეს სასულიერო პირებმა: მანგლისისა და თეთრიწყაროს მიტროპოლიტმა, მეუფე ანანია ჯაფარიძემ, ბოლნისის ეპარქიის მთავარეპისკოპოსმა ეფრემ გამრეკელიძემ, მარნეულისა და ჰუჯაბის ეპისკოპოსმა, გიორგი ჯამდელიანი, აგარაკ-წალკის ეპისკოპოსმა, გრიგოლ კაციამ, სახელმწიფო რწმუნებულის მოადგილემ, ნიკა კობახიძემ, მერის მოადგილეებმა, ადგილობრივი თვითმმართველობის ხელმძღვანელმა პირებმა და კურორტების განვითარების სააგენტოს დირექტორმა, ალექსანდრე ონოფრიშვილმა.