პანდემიისგან გამოწვეული ორწლიანი პაუზის შემდეგ, ქვემო ქართლში ,,გარდაბნობა 2022” აღინიშნა.

ქვემო ქართლში სახელმწიფო რწმუნებული, გიორგი დოხტურიშვილი, გარდაბნის მუნიციპალიტეტის მერ დავით კარგარეთელთან და რეგიონის მუნიციპალიტეტების მერებთან ერთად სახალხო დღესასწაულს დაესწრო.

ღონისძიების ფარგლებში გარდაბნის მუნიციპალიტეტში, კულტურისა და დასვენების პარკში სხვადასხვა კულტურული აქტივობები გაიმართა.

მაყურებლის წინაშე წარსდგა ადგილობრივი ფოლკლორული ანსამბლი, მოეწყო სამუზეუმო ექსპონატების, ხალხური რეწვის ოსტატთა და ხელოვანთა ნამუშევრების, ახალგაზრდა თვითნასწავლი მხატვრების ნახატების გამოფენა და აზერბაიჯანული კუთხე.

ღონისძიების ფარგლებში გაიმართა გარდაბნის საპატიო მოქალაქეების დაჯილდოების ცერემონია.

სახალხო დღესასწაული საზეიმოდ დახურა ღამის შოუს ბენდმა გელა გნოლიძის ხელმძღვანელობით.

ადგილობრივ მოსახლეობას დღესასწაული პირადად მიულოცეს სახელმწიფო რწმუნებულის მოადგილემ, ნიკა კობახიძემ, გარდაბნის მუნიციპალიტეტის საკრებულოს თავმჯდომარემ, მიხეილ გედეხაურმა, მერის მოადგილეებმა და თვითმმართველობის სხვა ხელმძღვანელმა პირებმა.