ქვემო ქართლში სახელმწიფო რწმუნებულმა, გიორგი დოხტურიშვილმა, საერთაშორისო სპორტული ასპარეზობების მონაწილე - მსოფლიოსა და ევროპის ჩემპიონები და წარმატებული სპორტსმენები დააჯილდოვა.

სახელმწიფო რწმუნებულმა ადგილობრივ ახალგაზრდებს, რეგიონში სპორტის სფეროს განვითარებასა და ჯანსაღი ცხოვრების წესის პოპულარიზაციაში შეტანილი განსაკუთრებული წვლილისთვის მადლობა გადაუხადა, მიღწეული შედეგები პირადად მიულოცა და სპეციალური სიგელები და სიმბოლური საჩუქრები გადასცა.

გიორგი დოხტურიშვილმა სფეროს ადგილობრივ წარმომადგენლებთან მათი წარმატებული საქმიანობის მნიშვნელობაზე ისაუბრა და შესაბამისი მატერიალურ-ტექნიკური ბაზით უზრუნველყოფის მნიშვნელობაზე გაამახვილა ყურადღება.

შეხვედრის ფარგლებში, მხარის პირველმა პირმა, სპორტსმენებს, რეგიონის მასშტაბით, საერთაშორისო სტანდარტების სპორტული ინფრასტრუქტურის მშენებლობა-რეაბილიტაციის მიმართულებით დაგეგმილი და მიმდინარე პროექტები გააცნო.