რუსთავში, ქიმიკოსთა სპორტულ კომპლექსში, ბერძნულ-რომაულ ჭიდაობაში საქართველოს ჩემპიონატი გაიმართა. 

ღონისძიებას ქვემო ქართლში სახელმწიფო რწმუნებული გიორგი დოხტურიშვილი, რწმუნებულის მოადგილეები - გიორგი შინჯიკაშვილი, კახა კობერიძე და რუსთავის მერის მოადგილე ოთარ ტატალაშვილი სფეროს წარმომადგენლებთან ერთად დაესწრნენ. 

სპორტული ასპარეზობა 23 წლამდელებს შორის მიმდინარეობდა და გამარჯვებულები 10 წონით კატეგორიაში გამოვლინდნენ. 

გიორგი დოხტურიშვილმა, მხარისა და მუნიციპალიტეტის ხელმძღვანელ პირებთან ერთად, ჩემპიონები და პრიზიორები სპეციალური თასებით, მედლებითა და სიგელებით დააჯილდოვა. 

ჩემპიონატი საქართველოს ჭიდაობის ეროვნული ფედერაციის ეგიდით, ქვემო ქართლში სახელმწიფო რწმუნებულის ადმინისტრაციისა და რუსთავის მერიის აქტიური მხარდაჭერით გაიმართა.