ქვემო ქართლში სახელმწიფო რწმუნებულის მოადგილე კახა კობერიძე, რუსთავის ილია ჭავჭავაძის სახელობის ცენტრალურ ბიბლიოთეკაში, პერიოდული ლიტერატურულ-მხატვრული გამოცემის პრეზენტაციას დაესწრო.

გაზეთში ,,ლიტერატურული ქვემო ქართლი“ რუსთაველი მწერლების შემოქმედებაა თავმოყრილი, რომელიც, ქვემო ქართლში სახელმწიფო რწმუნებულის ადმინისტრაციის მხარდაჭერით, უკვე მეორედ გამოვიდა. აღსანიშნავია, რომ გაზეთის პირველი ნომერი გარდაბნელ მწერლებს დაეთმო.

ღონისძიებას რუსთავის საკრებულოს თავმჯდომარის მოვალეობის შემსრულებელი ნინო ქავთარაძე, საკრებულოს წევრები და სფეროს ადგილობრივი წარმომადგენლები დაესწრნენ.