ფაშიზმზე გამარჯვების 76-ე წლისთავთან დაკავშირებით, ქვემო ქართლში სახელმწიფო რწმუნებულის მოადგილე კახა კობერიძემ და რუსთავის მერმა, ირაკლი ტაბაღუამ, მუნიციპალიტეტის საკრებულოს ხელმძღვანელ პირებთან ერთად, დიდების ხეივანში, გმირთა მემორიალი ყვავილებით შეამკეს და  მეორე მსოფლიო ომის დროს გარდაცვლილთა ხსოვნას პატივი მიაგეს.

აღსანიშნავია, რომ საქართველოს მთავრობის განკარგულებით, ფაშიზმზე გამარჯვების წლისთავთან დაკავშირებით, მეორე მსოფლიო ომის მონაწილეები 1000 ლარის, ხოლო მეორე მსოფლიო ომში დაღუპულთა ოჯახების წევრები 500 ლარის ოდენობის ერთჯერად სოციალურ დახმარებას მიიღებენ.

რუსთავში, მეორე მსოფლიო ომის 3 ვეტერანი და მათთან  გათანაბრებული სტატუსის მქონე, ოცდაორი პირი ცხოვრობს. 9 მაისს, ტრადიციულად, თითოეულმა მათგანმა, რუსთავის მერიისგან ფულადი ჯილდო მიიღო.