9 აპრილის ტრაგედიიდან 32, საქართველოს სახელმწიფოებრივი დამოუკიდებლობის აღდგენიდან კი 30 წელი გავიდა - თარიღთან დაკავშირებით, ქვემო ქართლში სახელმწიფო რწმუნებულის მოადგილე კახა კობერიძე, რუსთავის მერი ირაკლი ტაბაღუა და საკრებულოს თავმჯდომარე ლევან ონიანი, თვითმმართველობის წარმომადგენლებთან ერთად, დიდების ხეივანში გამართულ თემატურ ღონისძიებას დაესწრნენ, გმირთა მემორიალი ყვავილებით შეამკეს და სამშობლოს ერთიანობისთვის დაღუპულთა ხსოვნას პატივი მიაგეს.

მემორიალთან მოეწყო ტრაგიკული მოვლენების ამსახველი და საქართველოს ეროვნული გმირების - ზვიად გამსახურდიასა და მერაბ კოსტავას ფოტოების გამოფენა, ქართული საგალობლები შეასრულეს ადგილობრივი ანსამბლის - ,,მე რუსთველის’’ მომღერლებმა.