შოთა რეხვიაშვილი, სამოქალაქო თანასწოობისა და ინტეგრაციის სამთავრობო კომისიის სხდომაზე

ქვემო ქართლში სახელმწიფო წმუნებული, შოთა რეხვიაშვილი, სამოქალაქო თანასწორობისა და ინტეგრაციის სამთავრობო კომისიის სხდომას დაესწრო, სადაც სახელმწიფო უწყებებისა და საერთაშორისო ორგანიზაციების წარმომადგენლებმა, სამოქალაქო თანასწორობისა და ინტეგაციის ხედვაზე, მიზნებსა და ამოცანებზე იმსჯელეს.

სხდომის ფარგლებში, სახელმწიფო მინისტრის მოადგილემ, ლია გიგაურმა „სამოქალაქო თანასწორობისა და ინტეგრაციის სახელმწიფო სტრატეგიისა და 2015-2020 წწ. სამოქმედო გეგმის განხორციელების შეფასების“ შედეგები წარმოადგინა. ასევე, მონაწილეებს გააცნო „სამოქალაქო თანასწორობისა და ინტეგრაციის 2021-2026წწ. სახელმწიფო სტრატეგიის“ პროექტი. აღნიშნული დოკუმენტები მომზადდა სახელმწიფო მინისტრის აპარატის ხელმძღვანელობით, დაინტერსებული აქტორების ჩართულობითა და აშშ-ს საერთაშორისო განვითარების სააგენტოს მხარდაჭერით.

ღონისძიება აშშ-ის საერთაშორისო განვითარების სააგენტოსა (USAID) და საქართველოს გაეროს ასოციაციის (UNAG), „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის“ (PITA) მხარდაჭერით გაიმართა.