ქვემო ქართლში სახელმწიფო რწმუნებული, შოთა რეხვიაშვილი, საქართველოს პარლამენტში რუსთავისა და გარდაბნის მაჟორიტარი დეპუტატი, ნინო ლაცაბიძე და ქალაქის მერი, ირაკლი ტაბაღუა, რუსთაველ აქტივისტებს შეხვდნენ, რომლებმაც ქვეყანაში ბოლო პერიოდის განმავლობაში, საწვავზე ფასების ზრდა ცენტრალური გზის გადაკეტვით გააპროტესტეს.

ხელისუფლების წარმომადგენლებმა დეტალურად მოისმინეს ადგილობრივი ახალგაზრდების პოზიცია. დაიგეგმა შემდეგი სამუშაო შეხვედრა, სადაც სამთავრობო გუნდთან კონსულტაციების შედეგად, მიღებული შესაბამისი გადაწყვეტილებები გაჟღერდება.

ახალგაზრდებმა რუსთავი-თბილისის დამაკავშირებელი მაგისტრალის გახსნისა და საკითხის სამუშაო ფორმატში განხილვის გადაწყვეტილება ადგილზე შოთა რეხვიაშვილთან შეხვედრის შემდეგ მიიღეს.