მაღალმთიანი დასახლებების განვითარების სტრატეგიის 2021-2023 წლების სამოქმედო გეგმის პროექტების პრეზენტაცია, რეგიონული განვითარების და ინფრასტრუქტურის მინისტრის მოადგილემ, მზია გიორგობიანმა სამხარეო ადმინისტრაციებისა და ადგილობრივი თვითმმართველობების წარმომადგენლებთან ერთად განიხილა - ონლაინ ფორმატში მიმდინარე შეხვედრაში მონაწილეობა ქვემო ქართლში სახელმწიფო რწმუნებულის მოადგილე კახა კობერიძემ მიიღო.

სტრატეგია სამ მიზანს - მაღალმთიანი დასახლებების მდგრადი განვითარებას, მაღალმთიან დასახლებებში მცხოვრებთა სოციალურ მხარდაჭერას და მაღალმთიან დასახლებებში სერვისების ხელმისაწვდომობას ითვალისწინებს.

პირველი მიზანი ტურიზმის განვითარების, სოფლის მეურნეობის, სამეწარმეო საქმიანობის მხარდაჭერას, საგზაო ინფრასტრუქტურის მოწყობას და გარემოს დაცვის და ბუნებრივი რესურსების მართვას აერთიანებს. მეორე მიზნის ქვეშ ჯანდაცვის, განათლების, კომუნალური და საკომუნიკაციო, ხარისხიანი, სერვისების ხელმისაწვდომობა, დემოგრაფიული ვითარების გაუმჯობესება და კულტურულ-სპორტული ინფრასტრუქტურის განვითარება ერთიანდება. მესამე მიზანი კი, მართვისა და მომსახურების ინოვაციური სისტემების დანერგვას და საჯარო სერვისებზე ხელმისაწვდომობის გაზრდას მოიცავს.

აღნიშნული სამოქმედო გეგმით 51 აქტივობაა განსაზღვრული და ძირითადად, კვლავ ის ღონისძიებები გაგრძელდება რაც 2019-2020 წლებში ხორციელდებოდა.

სტრატეგიის შედეგად, 2023 წლისთვის მაღალმთიან დასახლებებში დემოგრაფიული მდგომარეობა და სოციალური ინფრასტრუქტურა უნდა გაუმჯობესდეს და მაღალმთიანი დასახლებების ტურისტული მიმზიდველობა გაიზარდოს