რუსთავში, საქართველოს ეროვნული გმირის, ქვეყნის პირველი პრეზიდენტის ზვიად გამსახურდიას ბიუსტი გაიხსნა.

სკულპტურა ზვიად გამსახურდიას სახელობის სკვერში, საზოგადოება ,,რუსთაველების" და რუსთავის მერიის ერთობლივი პროექტის ფარგლებში განთავსდა - ავტორი, ცნობილი მოქანდაკე ვალერი ჯიქიაა.

ღინისძიების ფარგლებში, ქალაქის განვითარებაში შეტანილი განსაკუთრებული წვლილისთვის, 2020 წლის საპატიო რუსთაველები დაჯილდოეს. წელს რუსთავს, სხვადასხვა სფეროს წარმომადგენელი, 20 საპატიო რუსთაველი ყავს.

ბიუსტის გახსნისა და საპატიო რუსთაველების დაჯილდოების ცერემონიალს ქვემო ქართლში სახელმწიფო რწმუნებული შოთა რეხვიაშვილი, რუსთავის მერი ირაკლი ტაბაღუა, საკრებულოს თავმჯდომარე ლევან ონიანი, საზოგადოება ,,რუსთაველების" წარმომადგენლები და რიგითი რუსთაველები დაესწრნენ.

აღსანიშნავია რომ, ზვიად გამსახურდიას სახელობის სკვერის რეაბილოტაცია რუსთავის მერიამ გასულ წელს განახორციელა. პროექტი რეგიონული განვითარების ფონდიდან და ქალაქის ადგილობრივი ბიუჯეტიდან 618 392 ლარით დაფინანსდა.