შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი, ქვემო ქართლში სახელმწიფო რწმუნებული, შოთა რეხვიაშვილი, პრემიერ-მინისტრის მრჩეველი, ლელა აქიაშვილი და გარდაბნის მუნიციპალიტეტის მერი, რამაზ ბუდაღაშვილი სოფელ ყარაჯალარში იმყოფებოდნენ.

ცენტრალური და ადგილობრივი ხელისუფლების წარმომადგენლები სოციალურად დაუცველ ოჯახებს პირადად ესტუმრნენ და საკვები პროდუქტებისა და ჰიგიენური საშუალებების კალათები გადასცეს.

სახელმწიფო მინისტრის აპარატის ორგანიზებითა და გაეროს ბავშვთა ფონდის UNICEF-ის ფინანსური მხარდაჭერით, სასაჩუქრე კალათა სულ 82 ოჯახს გადაეცა.

შოთა რეხვიაშვილმა, რეგიონში მწვავე ეპიდემიოლოგიური ვითარების დროს, ეფექტური თანამშრომლობისთვის და მასშტაბური საინფორმაციო კამპანიის განხორციელებისთვის, შერიგებისა და სამოქალაქო თანასწორობის საკითხებში სახელმწიფო მინისტრის აპარატს განსაკუთრებული მადლობა გადაუხადა.

აღსანიშნავია, რომ აქცია, კორონავირუსის პანდემიის ფონზე, ეთნიკური უმცირესობებით მჭიდროდ დასახლებულ რეგიოენებში მცხოვრები მოსახლეობის მხარდაჭერის კამპანიის ფარგლებში, განხორციელდა.