ქვემო ქართლში სახელმწიფო რწმუნებულის მოადგილე კახა კობერიძე, მარნეულის კოლეჯში, კოვიდ 19-ის პრევენციულ ღონისძიებებში ჩართული, სტუდენტებისა და კურსდამათავრებულების დაჯილდოების  ცერემონიალს დაესწრო. 

ღონისძიებაზე საქართველოს განათლების, მეცნიერების, კულტურისა და სპორტის მინისტრის მოადგილე, თამარ ქიტიაშვილი, მარნეულის მუნიციპალიტეტის მერი, ზაურ დარგალი, კოლეჯის პარტნიორი ორგანიზაციის წარმომადგენლები და სხვა მოწვეული სტუმრები იმყოფებოდნენ.

ცენტრალური ხელისუფლების წარმომადგენლებმა და საგანმანათლებლო კოლეჯის ხელმძღვანელმა პირებმა სპეციალური სიგელები და სამახსოვრო საჩუქრები პირადად გადასცეს იმ ახალგაზრდებს, რომლებიც კორონავირუსით გამოწვეული საგანგებო მდგომარეობის დროს, მკაცრი საკარანტინო რეჟიმის პირობებში,  მარნეულისა და ბოლნისის ჯანდაცვის ობიექტებში მუშაობდნენ.