ქვემო ქართლში სახელმწიფო რწმუნებული, შოთა რეხვიაშვილი და მარნეულის მუნიციპალიტეტის მერი, ზაურ დარგალი, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატისა და დიპლომატიური კორპუსის წარმომადგენლებთან ერთად, აზერბაიჯანის დამოუკიდებლობის დღესთან დაკავშირებით გამართულ ღონისძიებას დაესწრნენ.

ცენტრალური და ადგილობრივი ხელისუფლების წარმომადგენლებმა ორ ქვეყანას შორის არსებულ მეგობრულ და პარტნიორულ ურთიერთობაზე გაამახვილეს ყურადღება და საქართველოში მცხოვრებ, ეთნიკურად აზერბაიჯანელ მოქალაქეებს დამოუკიდებლობის დღე მიულოცეს.

ღონისძიება მარნეულის მუნიციპალიტეტში არსებულ საინტეგრაციო ცენტრში, ჰეიდარ ალიევის ფონდის, აზერბაიჯანის რესპუბლიკის დიასპორის სახელმწიფო კომიტეტისა და აზერბაიჯანის საელჩოს ორგანიზებით გაიმართა.