ქვემო ქართლში სახელმწიფო რწმუნებულის ადმინისტრაციაში, სახელმწიფო პროგრამით მიმდინარე C ჰეპატიტის საკომუნიკაციო კამპანიის „შენC„ ფარგლებში სამუშაო შეხვედრა გაიმართა, რომელსაც ქვემო ქართლში სახელმწიფო რწმუნებული, შოთა რეხვიაშვილი, დაავდებათა კონტროლისა და საზოგადოებრივი ჯანმრთელობის ეროვნული ცენტრი გენერალური დირექტორი, ამირან გამყრელიძე, რუსთავის მერის მოადგილე, განკურნებულ პაციენტთა ასოციაციის, სათემო ორგანიზაცია „ახალი ვექტორის“, ყრუ-მუნჯთა ასოციაციის წარმომადგენლები და ცნობილი რუსთაველი სპორტსმენები დაესწრნენ.

შეხვედრის მიმდინარეობისას მხარეებმა სახელმწიფო პროგრამის მიმდინარეობის პროცესზე და მიღწეულ შედეგებზე იმსჯელეს. ყურადღება გამახვილდა მოსახლეობის მაქსიმალური ინფორმირების და ადრეული დიაგნოსტირების მნიშვნელობაზე. საუბარი შეეხო სეზონური დაავადებების პრევენციის მიზნით განსახორციელებლ ღონისძიებებს.

დაიგეგმა  საინფორმაციო შეხვედრები მუნიციპალიტეტებში, სადაც C ჰეპატიტის ელიმინაციის პროგრამის შესახებ, მოსახლეობის ცნობიერების ამაღლების მიზნით, სემინარები გაიმართება.

საქართველოში 2015 წლის 1 აპრილიდან მიმდინარეობს C ჰეპატიტის ელიმინაციის სახელმწიფო პროგრამა. პროგრამის ფარგლებში მოსახლეობას აქვს შესაძლებლობა ჩაიტაროს დიაგნოსტიკა და მკურნალობის კურსი უფასოდ. მკურნალობა ხორციელდება ბოლო თაობის, ძვირი ბრენდული პრეპარატებით, რომელიც გამოირჩევა თითქმის 100 % იანი განკურნების ალბათობით. დღემდე პროგრამაში ჩაერთო 61 000-ზე მეტი მოქალაქე, მათგან მკურნალობა დაასრულა 56 000 პაციენტმა. განკურნების მაჩვენებელი 98% შეადგენს.

სამუშაო შეხვედრა განკურნებულ პაციენტთა ასოციაციის ორგანიზებით, დაავდებათა კონტროლისა და საზოგადოებრივი ჯანმრთელობის ეროვნული ცენტრის და სათემო ორგანიზაცია „ახალი ვექტორის“ მხარდაჭერით, გაიმართა.