2 ოქტომბერს, მარნეულის მუნიციპალიტეტში, ქვემო ქართლის გუბერნატორის მოადგილე, ზაურ დარგალი, ადგილობრივი თვითმმართველობის ხელმძღვანელი პირები, აფხაზეთის ავტონომიური რესპუბლიკის მთავრობის წევრები და საქართველოს ვეტერანთა სახელმწიფო სამსახურის წარმომადგენლები, ქალაქ მარნეულის №6 საჯარო სკოლაში, ლიტერატურულ კომპოზიციას სახელწოდებით, „დაგვიანებული აღსარება“ დაესწრნენ.

ღონისძიების ფარგლებში, უფროსკლასელებმა გაიხსენეს ჩვენი ქვეყნის უახლესი ისტორიის ქრონიკები, რომლებიც საქართველოში, 25 წლის წინ, განვითარებულ მოვლენებს და ქართულ-აფხაზურ ურთიერთობებს ასახავდა. 

აღსანიშნავია, რომ ლიტერატურულ - დრამატულ წარმოდგენაში მონაწილეობა მიიღეს სხვადასხვა ეთნიკური წარმომავლობის მოსწავლეებმა, რომლებმაც ჩატეხილი ხიდის გამთლიანების, საერთო, სურვილი თემატური ღონისძიებით წარმოადგინეს.