8 ივნისს, რუსთავის ზაქარია ფალიაშვილის სახელობის ხელოვნების სკოლაში, ქალაქის 70 წლის იუბილესთან დაკავშირებული ღონისძიებების ფარგლებში, ანსამბლ „გროს ოქტეტის“ კონცერტი გაიმართა.

ღონისძიებას ქვემო ქართლის გუბერნატორის მოადგილე, კახა კობერიძე, ქალაქის მერი, ირაკლი ტაბაღუა, რუსთავის საკრებულოს თავმჯდომარის მოადგილე, ნინო ქავთარაძე და ადგილობრივი ხელისუფლების სხვა წარმომადგენლები დაესწრნენ. 

კონცერტის მონაწილეებმა სტუმრების წინაშე ცნობილი ქართული და უცხოური მუსიკალური კომპოზიციები შეასრულეს.