8 ივნისს რუსთავის დრამატულ თეატრში, „არაქართულენოვანი სკოლების მასწავლებლების პროფესიული განვითარების“ პროგრამის ფარგლებში, ეთნიკური უმცირესობების წარმომადგენლების მონაწილეობით, ღონისძიება - „საქართველოს მზის ქვეშ“ გაიმართა.

ღონისძიებას საქართველოს განათლებისა და მეცნიერების მინისტრის მოადგილე ლია გიგაური, ქვემო ქართლის გუბერნატორის მოადგილე ზაურ დარგალი და საგანმანათლებლო სფეროს წარმომადგენლები დაესწრნენ.

მაყურებლის წინაშე ქვემო ქართლისა და ეთნიკური უმცირესობებით დასახლებული სხვა რეგიონების მოსწავლეებმა საქართველოს ისტორიის შესახებ წარმოდგენა გამართეს და პატრიოტულ მოტივებზე შექმნილი საკონცეტრო ნომრები შეასრულეს.

პროექტის მიზანი არაქართულენოვან სკოლებსა და მოსწავლეებში ინფორმაციის მოძიების მოტივაცის გაზრდა და ქართული ენის ფლობის კომპეტენციის ამაღლება, პრეზენტაციის უნარების განვითარება, საქართველოს კუთხეების შესახებ ცოდნის გაზრდა, საინფორმაციო სივრცეში ორიენტაციისა და დამოუკიდებელი სწავლის უნარ-ჩვევების განვითრება, ანალიტიკური, შემოქმედებითი და კრიტიკული აზროვნების განვითარებაა.