17 ნოემბერს, რუსთავში კამერული მუსიკის კონცერტი გაიმართა, რომელსაც რუსთველი მიტროპოლიტი, მეუფე იოანე(გამრეკელი), ქვემო ქართლში სახელმწიფო რწმუნებულის-გუბერნატორის მოადგილე კახა კობერიძე და ქალაქის მერი ირაკლი ტაბაღუა ხელოვნების სფეროს ადგილობრივ წარმომადგენლებთან ერთად დაესწრნენ.

ღონისძიების ფარგლებში, თბილისის სახელმწიფო კამერული ორკესტრი ,,საქართველოს სინფონიეტა'' და რუსთავის კამერული გუნდი მსმენელის წინაშე ანტონიო ვივალდისა და თანამედროვე ქართველ კომპოზიტორთა ნაწარმოებებით წარდგნენ.

აღსანიშნავია, რომ კონცერტის მონაწილე, ქართველი და უცხოელი დირიჟორები, რუსთავის მერმა, ირაკლი ტაბაღუამ, სპეციალური სიგელებით დააჯილდოვა.
რუსთავის სახელოვნებო გაერთიანებათა ცენტრის ორგანიზებით გამართულ ღონისძიებას ზაქარია ფალიაშვილის სახელობის ხელოვნების სკოლამ უმასპინძლა.