დღეს ქალაქ რუსთავში ღვაწლმოსილი და დამსახურებული რუსთაველის გურამ ქაშაკაშვილის 85 წლის იუბილე აღინიშნა.

მუნიციპალურ თეატრში მიმდინარე საზეიმო ღონისძიებას, ქვემო ქართლში სახელმწიფო რწმუნებული-გუბერნატორი, გრიგოლ ნემსაძე, პარლამენტში რუსთავის მაჟორიტარი დეპუტატები პაატა მხეიძე და გიორგი ბეგაძე, ასევე ქალაქის ახლად არჩეული მერი ირაკლი ტაბაღუა, ცენტრალური და ადგილობრივი ხელისუფლების სხვა წარმომადგენლებთან ერთად დაესწრნენ.

საიუბილეო ღონისძიების ფარგლებში გურამ ქაშაკაშვილის მეგობრებმა და კოლეგებმა გაიხსენეს მისი მოღვაწეობიდან მნიშვნელოვანი ეპიზოდები და ყურადღება გაამახვილეს ქალაქისა და ზოგადად ქვეყნის განვითარების პროცესში მის მიერ შეტანილ განსაკუთრებულ წვლილზე.

გუბერნატორმა გურამ ქაშაკაშვილს დაბადებიდან 85, ხოლო საზოგადოებრივი მოღვაწეობიდან 60 წლის იუბილე სცენიდან პირადად მიულოცა და სპეციალური სიგელი გადასცა.