18 აგვისტოს, ქვემო ქართლში სახელმწიფო რწმუნებულმა-გუბერნატორმა, ბერძნულ-რომაული სტილით ჭიდაობაში ევროპის ჩემპიონს, ბექა გურულს უმასპინძლა. გრიგოლ ნემსაძემ წარმატებულ რუსთაველ სპორტსმენსა და მის მწვრთნელს მოპოვებული გამარჯვება პირადად მიულოცა და რეგიონისა და ადგილობრივი მუნიციპალიტეტის ხელმძღვანელ პირებთან, კახა კობერიძესთან და ნოდარ შეროზიასთან ერთად სპეიცალური სიგელებით დააჯილდოვა. რეგიონისა და ადგილობრივი ხელისუფლების წარმომადგენლებმა შეხვედრისას სპორტის სფეროს კიდევ უფრო მეტად განვითარების მიზნით გასახორციელებელ გეგმებზე ისაუბრეს და ადგილობრივ სპორტსმენებს კომპეტენციის ფარგლებში დახმარებას დაპირდნენ.