გიორგი დოხტურიშვილმა, ბოლნისის მუნიციპალიტეტის მერთან დავით შერაზადიშვილთან ერთად ახალი, მრავალფუნქციური სპორტული კომპლექსის მშენებლობის პროცესი მოინახულა.

,,საზოგადოებაში ჯანსაღი ცხოვრების წესის დანერგვა, სპორტის სხვადასხვა სახეობის განვითარება და პოპულარიზაცია ჩვენი ერთ-ერთი პრიორიტეტია, სწორედ ამ მიზნით, ბოლნისს 2023 წლის ოქტომბერში ახალი, მრავალფუნქციური, თანამედროვე სტანდარტების მქონე სპორტული კომპლექსი ექნება" - აღნიშნა ქვემო ქართლში სახელმწიფო რწმუნებულმა

ინფრასტრუქტურული პროექტის ფარგლებში:

მოეწყობა 250 მაყურებელზე გათვლილი ტრიბუნა;

პირველი დარბაზი დაეთმობა: კალათბურთს, ფრენბურთისა და ხელბურთის სივრცეებს;

მეორე დარბაზი დაეთმობა: კრივის, ჭიდაობის, კარატისა და სხვა სპორტულ აქტივობების სივრცეებს;

წესრიგდება ელექტრო სისტემა

შენობა აღიჭურვება გათბობა-ვენტილაციის თანამედროვე სისტემით;

შენობა ადაპტირებული იქნებაშეზღუდული შესაძლებლობის მქონე პირთათვის;

მოხდება კომპლექსის მიმდებარე ტერიტორიის კეთილმოწყობა.

ინფრასტრუქტურული პროექტი მუნიციპალური განვითარების ფონდის მიერ ფინანსდება და ღირებულება, ჯამში 2 500 000 ლარს შეადგენს.

ქვემო ქართლში სახელმწიფო რწმუნებულთან ერთად სამუშაოები მისმა მოადგილემ, ილია ჯალაღანიამ, ბოლნისის მუნიციპალიტეტის მერმა, დავით შერაზადიშვილმა, მერის მოადგილემ ბუბა გობეჯიშვილმა და ადგილობრივი ხელისუფლების წარმომადგენლებმა მოინახულეს.