საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში
In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality
23 დეკემბერი 2022
4500-მდე ბენეფიციარი თეთრიწყაროს მუნიციპალიტეტში 24 საათიანი წყალმომარაგებით იქნება უზრუნველყოფილი.
თეთრიწყაროს მუნიციპალიტეტის დაბა მანგლისსა და სოფელ ალგეთში წყალმომარაგების სამუშაოები მიმდინარეობს.
ქვემო ქართლში სახელმწიფო რწმუნებულმა გიორგი დოხტურიშვილმა მუნიციპალიტეტის მერთან, გიორგი წიკლაურთან და კომპანიის დირექტორთან ალექსანდრე თევდორაძესთან ერთად მიმდინარე წყალმომარაგების სამუშაოები ადგილზე მოინახულა.
ამ ეტაპზე, ფიზიკური სამუშაოების 60% უკვე შესრულებულია. პროექტი 2023 წლის მეორე კვარტალში დასრულდება, რის შედეგადაც, 4500-მდე ბენეფიციარი 24 საათიანი თანამედროვე სტანდარტების შესაბამისი წყალმომარაგებით იქნება უზრუნველყოფილი.
პროექტის მიხედვით გათვალისწინებულია: მაგისტრალური ქსელის, წყალმომარაგების ქსელის, რეზერვუარის, საქლორატოროსა და ყველა სხვა აუცილებელი ინფრასტრუქტურის მოწყობა.
საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია დაბა მანგლისსა და სოფელ ალგეთში 11 მლნ. ლარის ღირებულების სამუშაოებს აწარმოებს.
#ქვემოქართლისრეგიონი