გიორგი დოხტურიშვილი ფესტივალს ,,ღვინის დღეები საქართველოში“ ბოლნისში დაესწრო

საქართველოს პრემიერ-მინისტრის, ირაკლი ღარიბაშვილის ინიციატივით, მთელი ქვეყნის მასშტაბით, საფუძველი ჩაეყარა ახალ, ყოველ წლიურ, ფესტივალს, რომელიც სრულად ეძღვნება ქართული ღვინის პოპულარიზაციას, ემსახურება ქართველი მეღვინეების სტიმულირებასა და ღვინის სამშობლოს პოზიციონირებას საერთაშორისო ბაზარზე.

დღეს, ფესტივალი ,,ღვინის დღეები” ქვემო ქართლში, ბოლნისის მუნიციპალიტეტში გაიმართა.

,,მოხარული ვარ, რომ დასკვნითი ღონისძიებების მასპინძელი ჩვენი რეგიონიც არის, უფრო კონკრეტულად კი მარნეულის შემდეგ ღვინის დღეებს ბოლნისმა უმასპინძლა.

ღვინის ფესტივალი წარმოადგენს ერთ-ერთ მთავარ ღონისძიებას ღვინის სამშობლოში და მიზნად ისახავს, ქართული ღვინის პოპულარიზაციას და  სამომავლოდ, ღირსეული ადგილის დამკვიდრებას მსოფლიო ღონისძიებების კალენდარში.

ერთად გავაგრძელოთ ქართული ღვინის 8000-წლიანი უწყვეტი ტრადიცია” - გიორგი დოხტურიშვილი, ქვემო ქართლში სახელმწიფო რწმუნებული.

საფესტივალო ტერიტორიაზე ადგილობრივ მოსახლეობასა და სტუმრებს შესაძლებლობა ჰქონდათ გაცნობოდნენ და დაეგემოვნებინათ მრავალფეროვანი ქართული ღვინო, მონაწილეობა მიეღოთ გასართობ ღონისძიებებში, ესიამოვნათ ქართული სამზარეულოთი, მუსიკით, ცეკვითა და სიმღერით.

ფესტივალს სახელმწიფო რწმუნებული ბოლნისის მუნიციპალიტეტის მერთან, დავით შერაზადიშვილთან, ადგილობრივი თვიმმართველობის წარმომადგენლებთან და კომპანია ,,არემჯის” სიესარ მენეჯერთან, ზურაბ დევდარიანთან ერთად ესწრებოდა.

#ქვემოქართლისმხარე
#ღვინისდღეები