გიორგი დოხტურიშვილის ინიციატივით ბაღის პედაგოგებს სამედიცინო გამოკვლევები უფასოდ ჩაუტარდებათ.

4 აგვისტოს, ბაღის პედაგოგებისთვის ქალაქ რუსთავის ცენტრალურ საავადმყოფოში, ტუბერკულოზისა და ფილტვის დაავადებათა გამოკლევები ჩატარდა.

,,დღეს, 110 ბაღის პედაგოგი მიიღებს უფასო სამედიცინო გამოკვლევას. აღნიშნული პროგრამა მასშტაბურია და მოიცავს ქვემო ქართლის რეგიონის ყველა მუნიციპალიტეტს.

ბოლნისის, გარდაბნის, დმანისის, თეთრიწყაროს, წალკის, მარნეულის მუნიციპალიტეტების და ქალაქ რუსთავის მერია აქტიურად ჩაერთვება აღნიშნულ პროგრამაში.

15, 16 და 17 აგვისტოს უფასო გამოკვლევებით სარგებლობას რეგიონის მასშტაბით არსებული ბაღების ყველა პედაგოგი შეძლებს. მნიშვნელოვანია, ვიზრუნოთ ადგილობრივი მოსახლეობის ჯანმრთელობაზე“- გიორგი დოხტურიშვილი, ქვემო ქართლში სახელმწიფო რწმუნებული.

დღეს, სახელმწიფო რწმუნებულის მოადგილეები: ნიკა კობახიძე და კახა კობერიძე სამედიცინო გამოკვლევების მიმდინარეობას ადგილზე გაეცნენ.