„ბოლნისი - ოქროსფერი ღვინის ქალაქის“ ღონისძიებას ქვემო ქართლში სახელმწიფო რწმუნებული, გიორგი დოხტურიშვილი დაესწრო.

მეღვინეთა გაერთიანება „ღვინო ბოლნისი“ 2018 წელს ჩამოყალიბდა და 40-ზე მეტ მცირე ტიპის საოჯახო მარანს აერთიანებს.

“ღვინო ბოლნისის” ორგანიზებით, ბოლნისის მუნიციპალიტეტის მერიისა და კომპანია “არემჯის“ მხარდაჭერით, ბოლნისის მუზეუმში ბოლნისური ღვინოების პრეზენტაცია-დეგუსტაცია გაიმართა.

ღონისძიებაზე „ქართული ღვინის გილდიის“ მიერ, OIV-ის საერთაშორისო სტანდარტით, შეფასებული 15 ბოლნისური მარნის, 38 საუკეთესო ღვინო იყო წარმოდგენილი.

ღონისძიებას, რეგიონული განვითარებისა და ინფრასტრუქტურის მინისტრის მოადგილე, მზია გიორგობიანი, ბოლნისის მუნიციპალიტეტის მერი, დავით შერაზადიშვილი, ბოლნელი მთავარეპისკოპოსი ეფრემი, რუსთავისა და გარდაბნის ათი თემის მაჟორიტარი დეპუტატი, ირაკლი შატაკიშვილი, ,,არემჯის’’ კორპორაციული დირექტორი, კახაბერ მჭედლიშვილი, სოფლის მეურნეობის სამეცნიერო კვლევითი ცენტრის დირექტორი, ლევან უჯმაჯურიძე და ღვინის ეროვნული სააგენტოს წარმომადგენლები ესწრებოდნენ.

#ქვემოქართლისრეგიონი