წალკის მუნიციპალიტეტმა უმასპინძლა ფესტივალს „ამო წალკაში", რომელიც ევროკავშირის მიერ მხარდაჭერილი პროექტის „ეს წალკაა“ ფარგლებში  გაიმართა და მას CENN-ი პარტნიორ ორგანიზაციებთან ერთად ახორციელებს.

ფესტივალს ქვემო ქართლში სახელმწიფო რწმუნებულის, გიორგი დოხტურიშვილის, მოადგილე კახა კობერიძე ესწრებოდა.

წალკის მუნიციპალიტეტის მერის პირველმა მოადგილემ,  ანზორ ხინიკაძემ, მადლობა გადაუხადა ორგანიზატორებს და აღნიშნა, რომ მსგავსი ფესტივალების და ინიციატივების განხორციელება   სასიცოცხლოდ მნიშვნელოვანია წალკის მუნიციპალიტეტის პოპულარიზაციისა  და  ახალი შესაძლებლობების შექმნისათვის.