ქვემო ქართლის რეგიონის რამდენიმე მუნიციპალიტეტებში დიდთოვლობის გამო გადაადგილების პრობლემები შეიქმნა. განსაკუთრებულად რთული ვითარებაა თეთრიწყაროს მუნიციპალიტეტში, სადაც გზების გაწმენდითი სამუშაოები შესაბამისი უწყებების ჩართულობით 24 საათიან რეჟიმში მიმდინარეობს. ადგილზე დამატებით 19 ერთეული სხვადასხვა ტიპის მძიმე ტექნიკის მობილიზება განხორციელდა. მოსახლეობა საჭირო მედიკამენტებითა და საკვები პროდუქტებით ინტენსიურ რეჟიმში მარაგდება.

ამ დროისთვის უკვე გახსნილის თეთრიწყაროს მუნიციპალიტეტის 19 სოფელი: იფნარა, სამღერეთი, შიხილო, აბელიანი, ხოპისი, ლიპი, ახალსოფელი, ზირბითი, გოლთეთი, წინწყარო, მაწევანი, დურნუკი, ქოსალარი, ჩხიქვთა, სამშვილდე, დაღეთი, ჭივჭავი, დიდგორი და დრე. ასევე მიმდინარეობს სოფელ გოხნარის, საფუძვრების და შამთა-ვანათი-ღვევის გზის გაწმენდითი სამუშაოები.

მხარის პირველი პირი, დიდთოვლობის გამო, შექმნილ ვითარებას, შესაბამისი სახელმწიფო უწყებების წარმომადგენლებთან ერთად, მონიტორინგს 24 საათის განმავლობაში უწევს და გამოვლენილ საჭიროებებზე მყისიერი რეაგირებისათვის პროცესში ჩართულ თითოეულ პირს განსაკუთრებულ მადლობას უხდის.