საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში
In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality
07 მარტი 2022
ქვემო ქართლში სახელმწიფო რწმუნებული, გიორგი დოხტურიშვილი, სამხარეო ადმინისტრაციისა და მუნიციპალიტეტის ხელმძღვანელ პირებთან ერთად, კრწანისის მცხოვრებლებს შეხვდა.
გიორგი დოხტურიშვილი, დასახლებაში არსებულ საჭიროებებს დეტალურად გაეცნო და პრობლემების გადაჭრის გზებზე ადგილობრივებთან ერთად იმსჯელა - ყურადღება გამახვილდა მოსახლეობის წყალმომარაგებით უზრუნველყოფის აუცილებლობასა და ამ მიმართულებით განსახორციელებელ სამუშაოებზე.
მხარის პირველი პირის გადაწყვეტილებით, დაიგეგმა თემატური სამუშაო შეხვედრა, რომლის ფარგლებშიც, შესაბამისი უწყებებისა და კომპანიების წარმომადგენლები, პრობლემის მოგვარების მიზნით განსახორციელებელ კონკრეტულ გეგმას, ადგილობრივი საინიციატივო ჯგუფის წევრებთან ერთად განსაზღვრავენ.
აღსანიშნავია, რომ სახელმწიფო რწმუნებული, კრწანისის დასახლების მცხოვრებლებს, ვითარების შესწავლისა და დასახელებულ საჭიროებებზე მყისიერი რეაგირების მიზნით, ადგილზე სტუმრობას, მოქალაქეთა მიღების დღის ფარგლებში, სამხარეო ადმინისტრაციაში გამართულ შეხვედრაზე დაპირდა.