ქვემო ქართლში სახელწიფო რწმუნებულის, გიორგი დოხტურიშვილის ინიციატივით და საგანგებო სიტუაციების კოორდინაციისა და გადაუდებელი დახმარების ცენტრის ხელშეწყობით, გარდაბნის მუნიციპალიტეტს სასწრაფო-სამედიცინო დახმარების მანქანა და კვალიფიციური პერსონალით დაკომპლექტებული ჯგუფი დაემატა.

ახალი ეკიპაჟი სოფელ მარტყოფს, გამარჯვებას, სართიჭალას და მუღანლოს მოემსახურება.

სოფელ გამარჯვებაში, საგანგებო სიტუაციების კოორდინაციისა და გადაუდებელი დახმარების ცენტრის ახალ შემადგენლობას გარდაბნის მერი, დავით კარგარეთელი პირადად გაეცნო და ადგილზე არსებული ინფრასტრუქტურა დაათვალიერა.

აღსანიშნავია, რომ მუნიციპალიტეტის მერიის დაფინანსებით, მიმდინარე წელს, საგანგებო სიტუაციების კოორდინაციისა და გადაუდებელი დახმარების ცენტრი აშენდება მარტყოფშიც, რომელიც სოფელ მარტყოფის, ნორიოს და ახალსოფლის ადმინისტრაციულ ერთეულებს მოემსახურება.