ქვემო ქართლში სახელმწიფო რწმუნებული მოსახლეობასთან შეხვედრებს აქტიურ რეჟიმში განაგრძობს - დღეს, სამხარეო ადმინისტრაციაში მიმდინარე აუდიენციისას, გიორგი დოხტურიშვილმა,  ქალაქ რუსთავის, გარდაბნისა და მარნეულის მუნიციპალიტეტებში მცხოვრებ მოქალაქეებს პირადად მოუსმინა.

საუბარი, ძირითადად, სოციალური მდგომარეობის გაუმჯობესებას, დასაქმებისა და ინფრასტრუქტურული პრობლემების მოგვარების აუცილებლობას შეეხო - გიორგი დოხტურიშვილი, მოქალაქეებს დასახელებული საჭიროებების ოპერატიული უზრუნველყოფისთვის, შესაბამის სახელმწიფო უწყებებთან, აქტიურ შუამდგომლობას დაპირდა.

აღსანიშნავია, რომ ქვემო ქართლში სახელმწიფო რწმუნებულის, გიორგი დოხტურიშვილის  ინიციატივით, მოქალაქეებთან შეხვედები, მხარის მასშტაბით, ტრადიციულად, ყოველი კვირის ოთხშაბათს მიმდინარეობს. ადგილობრივები მათთვის პრიორიტეტული საკითხების შესახებ ინფორმაციას უშუალოდ რეგიონისა და მუნიციპალიტეტების პირველი პირებისგან იღებენ.