,,ვაგრძელებთ მონიტორინგის პროცესს, რომელიც რუსთავის საწარმოებში, ჩვენი უშაულო ჩართულობით ხორციელდება. მიზანი არის ის, რომ რაც შეიძლება უმოკლეს დროში მოახდინონ საწარმოებმა შესაბამისი ტექნიკური აჭღურვა და კანონით განსაზღვრული ნორმების დაცვა. ვალდებულებების შეუსრულებლობის შემთხვევაში, საწარმოებს მკაცრი სანქციები დაეკსრებათ - ეს პროცესი და ჩვენი მოთხოვნები იქნება შეუქცევადი, სწორედ ამიტომ ქალაქის საწარმოო ზონაში არსებულ კომპანიებს  მოვუწოდებთ  ოპერატიული რეაგირებისკენ“ - გიორგი დოხტურიშვილი.

რუსთავში, ატმოსფერული ჰაერის დაცვის შესახებ კანონის აღსრულების და ქალქის ეკოლოგიური მდგომარეობის გაუმჯობესების მიზნით, მოქმედი საწარმოების მონიტორინგის კამპანია გრძელდება. 

კამპანიის ფარგლებში, მორიგი შეხვედრა შპს ,,ჰაიდელბერგ ჯორჯიაში" გაიმართა, რომელსაც შეხვედრას, გარემოს დაცვისა და სოფლის მეურნეობის მინისტრის მოადგილე ნინო თანდილაშვილი, ქვემო ქართლში სახელმწიფო რწმუნებული, გიორგი დოხტურიშვილი, რუსთავის მერი ნინო ლაცაბიძე, ბიზნესასოციაციის პრეზიდენტი ლევან ვეფხვაძე და ,,ჰაიდელბერგ ჯორჯიას" წარმომადგენლები დაესწრნენ. 

რუსთავის საწარმოო ზონაში მოქმედი ქარხნების მონიტორინგის კამპანიის დაწყება, გარემოსდაცვითი პასუხისმგებლობის შესახებ კანონის აღსრულების ნაწილში, საწარმოების მხრიდან შექმნილმა შეფერხებებმა განაპირობა. 

კანონის მიხედვით, მსხვილმა საწარმოებმა, ჰაერში მავნე ნივთიერებების გაფრქვევის მონიტორინგი ონლაინ, უწყვეტ რეჟიმში უნდა განახორციელონ და საწარმო აირმტვერდამჭერი მოწყობილობით აღჭურვონ. 

მონიტორინგის კამპანიის ფარგლებში, შეხვედრა რუსთავის საწარმოო ზონაში არსებულ ყველა ქარხანაში ეტაპობრივად გაიმართება.