პრემიერ-მინისტრის ინიციატივით დაგეგმილი სადღესასწაულო ღონისძიებები ქვემო ქართლის რეგიონში მარნეულიდან დაიწყო და 6 იანვრის ჩათვლით, ეტაპობრივად, ყველა მუნიციპალიტეტში გაიმართება. 

მარნეულის კულტურის სახლის მიმდებარე ტერიტორიაზე მისულ სტუმრებს დღეს, ადგილზე საშობაო ბაზრობები, გამოფენა-გაყიდვები, საბავშვო გასართობი სივრცეები,  ხის საახალწლო სახლები, ფოტო გადასაღები სტენდები და ინსტალაციები დახვდათ. მუნიციპალიტეტებში მცხოვრებ პატარებს ტკბილეული და საჩუქრები დაურიგდათ.  გაიმართა კონცერტი ადგილობრივი და დედაქალაქიდან მოწვეული შემსრულებლების მონაწილეობით. 

ღონისძიების სტუმრებს სიტყვით მიმართა და დამდეგი დღესასწაულები მიულოცა ქვემო ქართლში სახელმწიფო რწმუნებულმა. ღონისძიების მსვლელობისას გიორგი დოხტურიშვილმა საქართველოს პარლამენტში მარნეულის მაჟორიტარ დეპუტატთან და თვითმმართველობის ხელმძღვანელ პირებთან ერთად, ადგილობრივი, წარმატებული სტუდენტები და სპორტსმენები სპეციალური სიგელებით დააჯილდოვა.
ღონისძიებებზე დაცული იყო კოვიდ რეგულაციები. 

აღსანიშნავია, რომ საქართველოს პრემიერ-მინისტრის ინიციატივით, სახაალწლო-სადღესასწაულო აქტივობები საქართველოს 63-ვე მუნიციპალიტეტში გაიმართება.