ქვემო ქართლში სახელმწიფო რწმუნებულმა, შოთა რეხვიაშვილმა დმანისის ახლადარჩეული მერი, კობა მურადაშვილი, თანამშრომლებს, საქართველოს პარლამენტში ბოლნისის, დმანისის, თეთრიწყაროსა და წალკის მაჟორიტარ დეპუტატთან, გოგი მეშველიანთან ერთად, ოფიციალურად წარუდგინა და მომავალ საქმიანობაში წარმატებები უსურვა.

მხარის პირველმა პირმა, სიტყვით გამოსვლისას ყურადღება მუნიციპალიტეტის განვითარების მიზნით, პრიორიტეტული მიმართულებებით უკვე შესრულებულ მასშტაბურ სამუშაოებზე გაამახვილა და აღნიშნა რომ, ადგილობრივი თვითმმართველობა, ცენტრალური ხელისუფლების აქტიური მხარდაჭერით, მოსახლეობის საჭიროებებზე მორგებულ კიდევ არაერთ მასშტაბურ პროექტს განახორციელებს.

დმანისის მუნიციპალიტეტის ახალი მერის წარდგენაზე, ასევე იმყოფებოდნენ საკანონმდებლო ხელისუფლების წარმომადგენლები - ზაურ დარგალი და სავალან მირზოევი.