საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში
In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality
29 ოქტომბერი 2021
ეკონომიკისა და მდგრადი განვითარების მინისტრი, ნათია თურნავა და ქვემო ქართლში სახელმწიფო რწმუნებული შოთა რეხვიაშვილი „რუსთავის აზოტში” საწარმოო პროცესს ერთობლივად გაეცნენ.
ნათია თურნავამ ქარხნის თანამშრომლებს მადლობა გადაუხადა კოვიდ-პანდემიის პერიოდში გამოჩენილი სამოქალაქო პასუხისმგებლობისთვის და მადლობის სიგელები გადასცა. მხარეში სახელმწიფო რწმუნებულმა კი დასაქმებულებს ვაქცინაციის პროცესში მაქსიმალური ჩართულობისკენ მოუწოდა და აღნიშნა, რომ პანდემიის დამარცხების ერთადერთი გზა მოსახლეობის მასობრივი იმუნიზაციაა.
აღსანიშნავია, რომ „რუსთავის აზოტი“ ერთ-ერთია იმ რამდენიმე საწარმოს შორის, რომლებმაც საქართველოში სამედიცინო ჟანგბადის წარმოება დაიწყეს და ამგვარად უზრუნველყვეს სამედიცინო სექტორი და შესაბამისად, მოსახლეობა დაავადებასთან ბრძოლისას ამ აუცილებელი კომპონენტით.
„რუსთავის აზოტში“, რომელიც სამხრეთ კავკასიის რეგიონში მინერალური სასუქებისა და ინდუსტრიული ქიმიკატების მწარმოებელი უმსხვილესი საწარმოა, თანამშრომელთა 99 პროცენტი ადგილობრივი მცხოვრებია. საწარმოს ადმინისტრაცია აქტიურად მუშაობს დასაქმებულთა სოციალური პირობების გასაუმჯობესებლად. პირველ რიგში, ეს შეეხება სახელფასო ფონდს, რომელიც მიმდინარე წელს საშუალოდ 25 პროცენტით გაიზარდა.
ხელისუფლების წარმომადგენლემა ქარხნის ერთ-ერთი ცენტრალური გვარჯილის საამქროც დაათვალიერეს, სადაც ბოლო პერიოდში გადაიარაღება მოხდა - შესაბამისად, მნიშვნელოვნად გაუმჯობესდა დასაქმებულთა შრომის პირობები, დამონტაჟდა ავტომატური ჩამტვირთველი, რომელმაც ჩაანაცვლა ადამიანების მძიმე მექანიკური შრომა.
უმნიშვნელოვანესია, რომ საწარმო ეკოლოგიურად სუფთა ხდება - გერმანიის მთვარობის პროგრამის ფარგლებში მონტაჟდება ახალი ფილტრები დაკატალიზატორები, რომელიც მინიმუმამდე დაიყვანს, ატმოსფეროში მავნე ნივთიერებათა გაფრქვევას.