ქვემო ქართლში სახელმწიფო რწმუნებული, შოთა რეხვიაშვილი, რუსთავის ჭალის ტყეში გამართულ ღონისძიებას დაესწრო, სადაც ცენტრალური და ადგილობრივი ხელისუფლების წარმომადგენლებმა, ქალაქის ეკოლოგიური მდგომარეობის, არსებული გამოწვევების, ინიციატივებისა და სამომავლო პროექტების შესახებ, ერთობლივად იმსჯელეს.

საქართველოს პარლამენტში რუსთავისა და გარდაბნის მაჟორიტარი დეპუტატის, ნინო ლაცაბიძის ინიციატივით გამართულ შეხვედრას, გარემოს დაცვისა და სოფლის მეურნეობის მინისტრი, ლევან დავითაშვილი, მინისტრის მოადგილეები, სამრეწველო საწარმოების ხელმძღვანელი პირები და ადგილობრივი ხელისუფლების წარმომადგენლები ესწრებოდნენ.

შეხვედრის მიმდინარეობისას, მხარეებმა, ყურადღება გარემოსდაცვითი პასუხისმგებლობის კანონის აღსრულების ნაწილზე, ქალაქში არსებული მწვანე სივრცეების მოვლა-პატრონობისა და ახალი კერების შექმნის აუცილებლობაზე გამაამახვილეს. დაიგეგმა სამომავლოდ, ერთობლივად, განსახორციელებელი ღონისძიებები.